كتب|إيهاب الكيلاني
معلومات تهم كل شريب قهوة إسبريسو ..
هو احنا ليه كلنا بنيجي أدام شوت الإسبريسو ولا واحد بيتكلم ولا يعلق وبنشرب وخلاص؟؟!!!
الحقيقة سواء اللي بيشرب فاهم أو مش فاهم لو تدخل وعلق بيكون تعليق أو تدخل عابر بسيط .
حتى الشخص اللي بيقدمه غالبا بيكون له تعلقين النسب ودرجة الطحن و الحاجة التانية السعر .. والتعليق أو السؤال في عن ما ذكرنا ليس مجهداُ ولن يصل لدرجة انك تشعر بالحوار او الجدل مع شخص غير فاهم أو توصل أنه يعصبك وبيكون سهل انك تفهمه ويفهمك بسرعة .
وغالبا بيكون سبب الاختلاف واضح وصريح انه بيستخدم ( كذا ) صنف بلوفر معاه عشان قريب من (كذا ) صنف آخر و بيدي نفس النتيجة واكيد والسبب الأهم انه ارخص من ( كذا ) مثلا 20 جنية أو بحد أقصى وبجشع 50 جنية .
فكل الخلاف بيكون على ما سبق وبمجرد ما ياخد ويشتغل بيستمر معاك و تورد له إلى أن يشاء الله.
هنا وجع القلب والجدال بيكون خفيف و سريع الحل .
كل ده ليه لان 90% من اللي بيستخدم إسبريسو بيكون مستورد و 99% بيكون إيطالي من منتجات( لافادزا، أو إيلي، او كفيتالي، أو كافي سي ، أو فيرزي ألخ) واحنا بطبيعة الحال عندنا ثقة في المستورد بشكل غير عادي بالإضافة الي انها فعلا منتجات عالية الجودة وبتحتكر المرتبة الأولي في السوق المصري والعالمي.
رغم إن إيطاليا لم تزرع البن ولكن الأولى على العالم في تحميص البن وتصدير الاسبريسو للعالم.
ونهيك عن الفرق بين البائع و المشتري و من يقدمه وشريب الإسبريسو وعن نظيرهم في القهوة التركي .