كتب | أشرف عبد العليم
《عضو منظمة حقوق الإنسان ، عضو لجنة دعم جهاز الشرطة ، و مكافحة الإرهاب》
🔴 يعني أيه عيل عنده ١٦ سنة يروح للظابط يقوله يا باشا أنا كمان معايا سـ.ـلاح .. أقبض عليا مع صاحبي !!
🟡 من أعبس المواقف إللي ممكن تسمع عنها
أن عيل عنده ١٦ سنة كان ماشي هو و صاحبو
و فجأة البوكس وقف و نزل منه ظابط
مسك واحد منهم و فتشه راح مطلع من جيبه سلاح
قام ركبوا البوكس و خده معاه
🟢 يقوم صاحبو إللي كان ماشي معاه يطلع يجري عليه
و يقوله يآ باشا خدني معاه
و لما الظابط يزعق و يقوله امشي يلااآ من هنا
يقوله أنا كمان معايا سلاح زي صاحبي أقبض عليا أنا كمان
و يطلع مطوة من جيب البنطلون قدام الظابط
عشان يقبض عليه…
🔴🔴 للأسف في ظاهرة منتشرة
بين الشباب الصغير دلوقتي
و هي أنهم فاكرين الحبس حاجة روشة بلغة الشباب..
وإن أنت عشان تبقى شاب جامد لازم تتحبس
⚪ بس إللي أنت مش عارفه يآ وحش أنت و هو
إن الحبس مش زي إللي أنت بتشوفه في الأفلام
الحبس في الحقيقة اسوء بكتيييير من إللي ممكن تتخيله
يكفي إني أقولك أن أنت لما تعدي بس من قدام المتهمين
في المحكمة نفسك بيتخنق من الريحة بتاعتهم🤮
ده غير الطريقة إللي بيتعاملوا بيها..
و ده في المحكمة 🤚
فما بالك بقى بالحجز 🤔 إللي هو في الغالب
ممكن يكون أوضة واحده فيها عشرات البشر مع بعض
__ مش هاكلمك عن الأكل والشرب و الحمام و النوم.. الخ
و مش ها كلمك عن الحكايات إللي بيحكيها المتهمين
عن الحجز و إللي بيحصل فيه
🔴 يكفي أني أقولك إن كتير من العيال المسجلين
لما بيتحقق معاهم على ذمة قضايا
بيبقوا عايزين التحقيق يخلص في أسرع وقت
و المحاكمة تخلص عشان يترحلوا على سجن عمومي
بدل الحجز بتاع القسم أو المركز
لأن السجن بالنسبالهم أرحم كتير من الحجز !!
🟡 الخلاصة 🟡
الغلطة لحظة و التمن عُمر
هي لحظة واحدة بس ها تدفع تمنها عمرك كله
و ها تعيش طول عمرك تضرب نفسك بالجزمة
عشان الغلطة دي
و ده قسماً بالله حصل قدامي
🟢 كان واحد نفسه يبقى جامد و صايع زي الشباب الروشة
و في خناقة طلع مطوة يهوش بيها
راح خبط الواد في رقبته من غير قصد
ربنا سترها عليه أن الواد مماتش و هو أتحبس حوالي سنة
عقبال مآ اتصالحوا و القضية خلصت و طلع من الحبس
بس إللي طلع من الحبس كان واحد تاني
غير إللي دخل خالص ❌
و أول مرة شوفته بعد مآ طلع قالي نصاً في وسط الكلام
أنا أتربيت في السنة دي من أول و جديد
و بعد كده قسماً بالله لو حد قلع الشبشب من رجله
و ضربني بيه على دماغي ها قوله شكراً و اسيبة و أمشي
عشان ماشوفش إللي أنا شوفته في الحبس تاني”
🔴 بلاش توصل للمرحلة دي و تضيع عمرك كله
عشان كلام فاضي
و صدقني إللي أنت شايفه روش دلوقتي
بعد سنتين تلاتة ها تشوفه عبط 🤚
فـ بلاش تضيع عمرك عشان عبط 👍
ابعتها لـأبنك وصاحبك وأخوك
شيرها لكل إللي بتحبهم
عشان كل واحد يلحق نفسه قبل مآ يغلط غلطه تضيع عمره
#ملحوظة : الصورة تم تصميمها للتوضيح فقط
#حفظ الله الجميع…،
موضوع أعجبني وللأسف اغلب الناس بتصرف دون وعي بيصدر منها أفعال وسلوكيات فقط لمجرد السيطرة أو للسيط وبيكون التمن غالي