كتب | مجدي عبدالله
لو بتلعب اي لعبة على الموبايل او بتستخدم برامج وكل دقيقتين يطلعلك اعلان يفصلك وتضطر تستنى 30 ثانية عشان تقفله فانت حرفيا بتضيع وقتك ومجهودك على الفاضي لان حل المشكلة دي موجود في اعدادات موبايلك نفسه ومن غير ما تنزل اي برامج
ادخل على اعدادات الموبايل واكتب في البحث فوق كلمة private dns او دي ان اس الخاص هتلاقي اختيار ظهرلك ادخل عليه واختار اخر اختيار اللي هو مخصص او تعيين واكتب الكلمة دي زي ما هي كده بالظبط dns.adguard.com واعمل حفظ
ارجع بقى افتح اي لعبة او تطبيق كان بيقرفك بالاعلانات هتلاقيها اختفت تماما كأنك شاري النسخة المدفوعة جربها دلوقتي وهتتصدم بجد من النتيجة